5 Parenting Styles and Their Effects on Life

ጥናቶች እንደሚያሳዩት አራት የልጅ አስተዳደግ መንገዶች አሉ፡፡ አምባገነን ወላጆች የልጆቻቸውን አመለካከት ከግምት ሳያስገቡ ቁጥጥርን ያበዛሉ፤ እንዲታዘዟቸውም ይፈልጋሉ፡፡ ልል ወላጆች ልጆቻቸውን ይወዳሉ ነገር ግን ምንም አይነት ቁጥጥር አያደርጉም፡፡ በነሱ ቤት ምንም አይነት ህግ የለም:: ገዢ ወላጆች ልጆቻቸውን ይወዳሉ ነገር ግን ጥብቅ ናቸው። በገደብ ውስጥ ነፃነትን ያበረታታሉ፡፡ ቸልተኛ ወላጆች አይጨነቁም፤ ብዙውን ጊዜ ለገዛ ልጆቻቸው ፍላጎት አያሳዩም፡፡ በቅርቡ ሌላ 5ኛ የልጅ አስተዳድግ ዘይቤ እንዳለ ሀሳብ ቀርቧል፤ እስቲ ወደ በኋላ እንመለስበታልን። የአስተዳድግ ስልቶቹ ከፍፁም ቁጥጥር እና ጫና እስከ ፍፁም ነፃነት፤ እንዲሁም ከጨካኝ እና ስሜት አልባ እስከ ፍቅር ሰጪ እና ተንከባካቢ ባህሪያትን ያካትታሉ። እያንዳንዳቸው አምባገነን፣ ልል ፣ ገዢ እና ቸልተኛ ወላጆች እነዚህን ባ

ህሪያት በተለያየ መልኩ ያሳያሉ። የተለያየ የአስተዳደግ ዘይቤ ከሚከተሉ ወላጆች ጋር ማደግ ምን ማለት እንደሆነ ለመረዳት፣ የሚከተሉትን አራት ልጆች ሕይወት በምናብ እንመለከታልን። የሳራ ወላጆች አምባገነን ናቸው። ልጃቸውን ይወዷታል፣ ነገር ግን ጥሩ ባህሪ እንዲኖራት እና ማህብረተሰቡ ውስጥ በቀላሉ እንድትቀላቀል ጥብቅ ህጎችን ማስቀመጥ አስፈላጊ እንደሆነ ያምናሉ። ሳራ ስታለቅስ፣ እንድታቆም ይነግሯታል። መልስ ከሰጠቻቸው፣ ወደ ቤቱ አንድ ጥግ ሄዳ የጥሞና ጊዜ ወይም ታይምአውት እንድትወስድ ያደርጓታል። የቤት ውስጥ ስራዎቿን ማከናወን ከረሳች በመጫወቻዎቿ መጫወት አይፈቀድላትም። ሳራ ስሜቷን ማፈን እና ሃላፊነቷን መወጣት ቀኑን በሰላም ለማሳለፍ አስፈላጊ እንደሆነ ትረዳለች። የወላጆቿን ፍቅር ለማግኘት እና እነሱን ላለማበሳጨት ስትል ታዛዥ ትሆናለች። ሆኖም፣ ሳራ እራሷ እንድትወስን ወይም ው

ስጣዊ ፍላጎቶቿን እንድትከተል ፈጽሞ ስለማይፈቀድላት ትልቅ ሰው ከሆነች በኋላ እንኳን ምን እንደምትፈልግ በትክክል አታውቀውም። ለወላጆቿ እና ለህብረተሰቡ ፍጹም የሚመስል በውስጧ ግን ደስተኛ እንዳትሆን የሚያደርጋትን ኑሮ መኖር ትጀምራለች። የጴጥሮስ አይነት ልል ወላጆች ደግሞ ትንሽ ልጃቸውን በጣም ከመውደዳቸው የተነሳ የሚፈልገውን ሁሉ ያደርጉለታል፣ ሙሉ ነፃነትም ይሰጡታል፤ ‘አይሆንም’ የሚል ቃል ከአፋቸው አይወጣም። ጴጥሮስ ወላጆቹን ሙሉ በሙሉ ይቆጣጠራቸዋል፤ የሚፈልገውንም ሁሉ ያገኛል። በእግሩ መሄድ ካልፈለገ ይታቀፋል። አይስክሬም ከፈለገ ይገዛለታል። ጨዋታ መጫወት ከፈለገ ሌሊቱን ሙሉ ይጫወታል። ጴጥሮስ ያለ ምንም ገደብ ወይም ድንበር ስላደገ ትክክል ነው ብሎ ያሰበውን ሁሉ ያደርጋል። ግጭቶችን ለመፍታት ይቸገራል፤ ስሜቱንም መቆጣጠርን አልተማረም። ሁልጊዜ የሚፈልገውን ስለሚያገኝ ማ

ጣት እና መሸነፍ አይወድም። እያደገ ሲሄድም የሌሎችን ሰዎች ፍላጎት ከግምት አያስገባም፤ ልኩንም አያውቅም። የአርተር ገዢ ወላጆች የልጃቸውን ፍላጎቶች ያከብራሉ፣ ነገር ግን ልጆች ነፃነታቸው በገደብ ውስጥ መሆን እንዳለበት ያምናሉ። አርተር በነጻነት መጫወት ይችላል፤ ተጫውቶ ሲጨርስ ግን መጫወቻዎቹን እራሱ እንዲሰበስብ እገዛ ይደረግለታል። በሳምንት አንዴ እሁድ አይስክሬም እንዲበላ ይፈቀድለታል። በቀን ለ 30 ደቂቃ ብቻ ቴሌቪዥን እንዲያይ ይፈቀድለታል። አለመግባባቶች ሲከሰቱ ወላጆቹ አርተርን ያዳምጡታል፤ ከዚያ በኋላ ህግ እንዲከበር ያደርጋሉ። አርተር አንዳንድ ነገሮች አስቸጋሪ እንደሆኑ ቢያውቅም ወላጆቹ ችግሩን ለማለፍ የሚያስፈልገውን ሁሉንም ድጋፍ ያደርጉለታል። ችግሮችን ለመቋቋም እና ፍላጎቶቹን ለመከተል የሚያስችል ጥንካሬን ያዳብራል። በክፍል ውስጥ የራሱን አስተያየት በተገቢው መን

ገድ በድፍረት ይገልፃል። በእረፍት ጊዜ ስሜቱን በነፃነት ይገልፃል፣ ማድረግ የሚፈልገውንም በነፃነት ያደርጋል። ትልቅ ሰው ሲሆን ሕጎችን ከተወያየባቸው እና ከገቡት በኋላ ብቻ ይቀበላል። ቸልተኛ ወላጆች ብዙውን ጊዜ በልጆቻቸው ሕይወት ውስጥ ተሳትፎ አያደርጉም። ኖራ ብዙውን ጊዜ ብቸኝነት ይሰማታል። የምትፈልገውን ነገር የማሰብ እና የማድረግ ሙሉ ነፃነት አላት። ይሁን እንጂ ምንም አይነት አስተያየት አይሰጣትም፣ ትኩረትም አታገኝም። ኖራ ስለምታደርገው ነገር ማንም ሰው ስለማይገደው ምንም ነገር ብታደርግ ጥቅም እንደሌለው ይሰማታል። ትኩረትን ማጣቷ፣ በእራሷ እና በሌሎች ላይ እምነት እንድታጣ አድርጓታል። ሌሎች ሰዎች ላይ ያለአግባብ ጥገኛ ስለምትሆን ጤነኛ ግንኙነቶችን ማዳበር አትችልም፤ ስለራሷም አሉታዊ አመለካከት አላት። ሰዎች እሷን ሊወዷት እንደማይችሉ ይሰማታል፤ ይሄንንም ስሜት ለማጥፋ

ት ምንም አይነት ስሜት እንዳይሰማት ትሞክራለች። በልጆቻቸው ህይወት ውስጥ ከመጠን በላይ ጣልቃ የሚገቡ ወላጆችን ያጠቃለለ ሌላ 5ኛ የአስተዳደግ ዘይቤ እንዳለ ከቅርብ ዓመታት ወዲህ ይነገራል። እነዚህ ወላጆች ከልጆቻቸው መንገድ ላይ እንቅፋቶችን ያስወግዳሉ፤ እያንዳንዱ የልጃቸው እንቅስቃሴ እና የህይወት እርምጃ ውስጥ አግባብነት በሌለው መልኩ ተሳትፎ ያደርጋሉ። ልጆቻቸው ምንም ነገር በራሳቸው እንዲያደርጉ ስለማይፈቅዱላቸው ልጆቹ በራሳቸው ችግሮችን ለመፍታት ይቸገራሉ። ጥናቶች እንደሚያሳዩት እንደዚህ አይነት ልጆች ከባድ ችግሮችን መፍታት አይወዱም፣ ጽናትም የላቸውም፤ እንዲያውም ብዙ ጥረት የሚፈልግ ነገር ሲያጋጥማቸው ጉዳዩን በማዘግየት ተቃውሟቸውን ይገልፃሉ። በአስተዳደግ ላይ የተጠኑ ጥናቶች በአብዛኛው በወላጆች በራሳቸው ሪፖርት የተደረጉ እና በአሜሪካ እና አውሮፓ የተካሄዱ ስለሆኑ፣ የተ

ገኙት ውጤቶች በሌሎች የአለም ክፍሎች ላይ ያላቸው ተቀባይነት ምን ያህል ጠንካራ ሊሆን እንደሚችል ግልጽ አይደለም። አራቱ የልጅ አስተዳደግ ስልቶች በመጀመሪያ የተዋወቁት ዲያና ባውምሪንድ በተባለች ሳይኮሎጂስት ነው። ለጥሩ የልጅ አስተዳደግ ልጆቻችን እንዲኖራቸው የምንፈልገውን ማንነት እና ልጆቻችን ያላቸውን ስብእና አጣጥሞ መሄድ እንደሚያስፈልግ ዲያና ትመክራለች። በዚህ ላይ “አንድ ልጅ እራሴ ልሰራው እችላለሁ ብሎ የሚያስበውን ስራ በጭራሽ እንዳታግዘው።” የሚለውን የማሪያ ሞንቴሶሪን ጥበብ የተሞላበት ቃል ማስተዋል ወላጆችን ምናልባትም ጥሩ አሳዳጊዎች ሊያደርጋቸው ይችላል። ምን ይመስላቹኋል? ወላጆች ከእነዚህ የአስተዳደግ ስልቶች አንዱን ቢከተሉ ትላላችሁ ወይንስ ልጆቻቸውን ችላ እስካላሉ እና እስካልበደሉ ድረስ እንደሁኔታው ልክ ነው ብለው ያመኑትን ነገር ያድርጉ? ይህን ቪዲዮ ያለ ማጀቢ

ያ ሙዚቃ ለማውረድ እና ስለጉዳዩ የበለጠ ለማወቅ sproutsschools.comን ይጎብኙ ስለ አታችመንት ፓረንቲንግ ነፃ ትምህርት ለመማር፣ ከታች ዲስክሪፕሽኑ ውስጥ ያለውን ማስፈንጠሪያ ይመልከቱ