歡迎大家收睇幻想空間Fantasy Zone二周目爆機攻略片段 發達啦！ 今次主人能夠橫跨二周目，獲得1000萬分啦！ 雖然過程冇咁簡單，要經過多番嘗試 不過努力終於有回報 點做到？一齊嚟睇下啦！ 提提你，晌選擇模式時，按住B再決定 音聲就會變成太空哈利Space Harrier嘅模樣喎 Welcome to the Fantasy Zone. Get ready! 我係主人佑希嘅虛擬助手佐希，專門幫主人進行旁述 如果呢一條攻略片段對你有所幫助，記得讚好、留言、分享、訂閱 以及按鐘仔，你就會收到YMC最新通知啦！ 呢度係為你提供迷你遊戲機資訊嘅頻道 打爆前線基地後執起金幣，再去店舖購物 最基本嘅裝備足以夠用，話哂係第一關 就算卒仔有來回飛行嘅小型戰機(Coulon)、空中鉸剪(Sourtham) 狗頭怪(Moocolon)、高速試管(Bottaco)、浮遊啫喱(Quili-Quili)等等 統統都不足為懼 時間剛剛好，前線基地全滅，超音波都用完 係時候打Stunpalon木頭怪 如果唔係因為變返基本子彈Twin Shot，根本無幾可打中佢 仲記唔記得？大佬一死喺低位，執錢會易啲 詳情請
按右上角重溫一命爆機攻略啦 嚟到第二關，一開始就去鳩嗚 同樣地，初期嘅關卡唔會難得去邊，呢把超音波足以夠用 雖然今集以一千萬分為目標，不過咩武器都唔買，根本就係一場苦行 所以就住就住咁買，唔好咁大洗 縱使敵人有高速移動嘅浮遊啫喱 從前線基地向上飛嘅蝙蝠怪(Chamba) 都唔算得上係咩，冇乜點發射子彈 就算店舖再次出現，我點都要慳啲駛，唔再買嘢 至於波士，行近啲射，藉著最強連射(30/s)嚟打爆小鈴噹 同時把握從火山彈中閃避嘅路線 兩個回合就搞掂，強呀！ 第三關啦，首先買一把雷射槍，陣間再算 威力更高，又算抵買 用佢嚟快速破壞前線基地 小心啊！敵人開始會向你發射子彈 某啲卒仔，都會晌其他關卡出現。例如： 四個一組，伸縮移動嘅太陽怪(C-Soul) 蛇行嘅一組F-Zab、成組直排嘅豬頭怪(Botelynn) 值得一提嘅係會一直喺畫面左右出現，慢慢降落嘅三重葫蘆(Goro) 總之卒仔發光時會準備對住你發射，係時候走位 係時候買重力法碼(Heavy Bomb)啦，原因相信唔駛我多講 呢一關貌似飛船嘅基地會放出蘑菇腳，準備降落時要注意 點解個波士仲未出嚟架？ 嚟啦，佢蒲頭啦，預備埋位 全中！一
擊必殺！ 少有喎，執得哂啲錢！ 嚟到第四關，先買一把雷射槍，同埋一個閃光彈 為左節流，剩係買一個算 接下來一直晌地上行走，射爆前線基地 而家啲敵人一見面就向你發射子彈，總之向前走就自然避得到 包括伸縮球(Onyamma)、小鑽頭(Recal) 前線基地會放出齒輪怪(Floweye)，先解決佢，以無後顧之憂 仲有十字波(Squel)會一直現身喺低位，一直向佢所在嘅高度射擊 直至全滅為止 至於大佬觸手怪(Crabumger)，打到佢兩隻觸手完全見紅就為之贏 佢哋會向你發射子彈，只要唔好被圍到，把握空隙逃出生天 由於只會用到一個閃光彈，對付佢需要多一點時間 觸手餘下嘅部分有機會擋到，所以適時運用閃光彈啦 嚟到第五關，第一件事就係買7WAY 有佢就可以重創前線基地，將斜向嘅豆豆兵團一網打盡！ 而家開始，敵人嘅子彈都開始強化起嚟 不但變成粉紅色，速度亦快咗 因為你表現良好，你無死，武器又強 簡單啲講：遇強越強 小UFO (Jerry)一字排開，全滅佢哋都需要時間 至於前線基地會放出小型戰機，當你密集式攻擊之餘都要提防 而家子彈又downgrade咗，因為7WAY剛剛好用完 雖然又有商店，今次純粹
買閃光彈算數，務求控制成本 三重葫蘆再次出現，搞掂咗佢先，廢事篤眼篤鼻 敵軍數目眾多，即使冇武器喺手，點都要忍下手，俾啲耐性 遊擊小子(Shatboo)開始出現，會以90度轉角移動，有點兒棘手 都要及早殲滅，以絕後患 幾經辛苦，全滅基地之後，就係首領戰 同樣地，分隔消滅敵將，減少敵軍雪彈數目，方便回避 詳情睇番先前嘅攻略片段啦！ 必要時用一用Smart Bomb，以策安全 接下來，就藉著最強連射，同總大將對決啦！ 咦？點解第六關開始咗冇耐，仲未有店嘅？ 咁就率先搞掂左兩個基地 嚟到店舖，當然要買7WAY啦！ 有佢，簡直如有神助 話知敵人有成班直排嘅豬頭怪啦 連來自基地嘅回轉眼(Poyon)都奈我唔何 不過都唔好太輕敵，特別係會C字型一直彈上去嘅十字波(Squel) 大佬眼球怪，攻略法相信大家都理解到啦 盡量爭取多啲攻擊機會，普通彈又好，導彈又好 所以頭先唔買嘢係有原因嘅 一來方便攻擊，二來控制漲價 順帶一提，價格一漲，二周目時會更難買嘢，越玩越辛苦 會變成名乎其實嘅修羅場 嚟到第七關，買7WAY係指定動作，搞掂 尾二果關啦，前線基地果然硬淨，耐久力夠高 一口氣破壞前線基地兩個，攞足兩萬
銀回本 基地毀壞咗一大半，一排小飛象(Pata)開始斜向前進 基地都放浮遊啫喱出來 唔單只咁，回轉眼、空中鉸剪、豆豆兵團都開始現身 佢哋一開始就對住你射子彈，要打醒十二分精神 值得一提嘅係，途中會有一大群怪花(Bont)包圍你 然後會晌地下遊走，落地時要加倍留神！ 總之衝破佢哋嘅包圍網，再觀察一下 大佬係企圖夾死你嘅IDA-2 因為有最強連射，加上導彈加持，駛乜驚呀？ 為免夜長夢多，連射調校到每秒30發，上場殺敵更輕鬆 喺我努力打拼之下，總共持有二十八萬左右現金 為咗可以一命爆機，最後一關我只會買兩個重力法碼 呢一關酷似工場嘅地方，係凝聚亡靈嘅惑星 第一至七關嘅大佬都會死而復活，再度襲擊你 雖然佢哋攻勢會更猛烈，不過都有個譜 攻略法，先前嘅片段都有提及，以及示範 在此我唔再多述啦，詳情按右上角嘅片段，或者描述文嘅推薦片段 姑且樸素一點，進可攻退可守！ 當然，其中一個Heavy Bomb，係用來秒殺第三關大佬 有時持久戰係預左，不宜急功近利 打贏左雪怪，之後基本上可以話係穩操勝券 另外一個Heavy Bomb，就用來剷除最後一條寄生蟲啦！ 大鑊全勝！ 幾年前達成一命爆機，今次再次順利達成
！ 而且THE END之後，結算最後分數！ 殘機每架100萬分，每$1值10分。 因為我有四條命，有四百萬分(1M分 x 4機 = 4M分) 加上我有$275500，值2755000分 (X10) 總共獲得6755000分，加埋超過七百萬分呀！ 所以話死慳死抵，但唔會太過苦行，呢啲就係我勤儉嘅成果 再爆埋二周目，一千萬分有望啦！ 齊齊向二周目進發啦！ 來到二周目，原來所有殘機都冇哂 因為頭先用嚟計分呀！ 錢都係，所以要重新儲過 入到舖頭，咩都唔買 因為價錢承繼住一周目呀！加價一大輪，好多嘢都買唔起... 而且卒仔會毫不客氣咁向你發射子彈，同樣繼承一周目咁快嘅水平 子彈會有機會upgrade，要做好心理準備 的確冇武器喺手，打起來有少少吃力 不過點都要撐住啊！ 破壞基地莫分心，免得白白喪失寶貴生命 皆因一條命值百萬分 打大佬啦，好在二周目嘅大佬無咩特別強化 打起上來輕輕鬆鬆！ 而且而家開始，首領戰時可以向後方射擊，打起來更靈活 點解關卡開始，都仲未有店嘅？ 算，唯有用基本武器頂住檔 好在敵人冇玩咩花臣，打起來都唔算棘手 而家先有SHOP，遲唔遲啲啊？ 有得佢，差不多要打大佬啦 火山彈唔會
落得好快，即使係較難玩嘅二周目 加上能夠及時打低佢，可以話係不幸中之大幸 唔係下哇，又未有店？ 你越想買嘢，店舖偏偏唔出現。天啊，你係咪要玩我？ OK，遲到好過冇到，先買番把超音波 當然唔少得秒殺大佬嘅重力法碼 以防萬一，都係買1UP 因為EXTRA SHIP會加價得好犀利，由五千加到兩萬 所以一周目唔買多一條命就係咁解 而且為咗控制成本，晌最低限度之下購物 由於二周目更為艱辛，買武器作為輔助未嘗不可 做人唔好太過辛苦，稍為平衡一下。達到目標就OK 連呢關都有遊擊小子喎！佢哋會纏住你，小心 不解釋，各就位 BOOM！ 錢開始多啦，買超音波就夠啦？ 打起來都有啲勉強，不過好過冇 來到第12關，敵人嘅子彈又再升級啦！ 變成紅色之餘仲會回轉，速度更上一層樓 連前線基地所放嘅嘍囉都會放勁快嘅子彈，要適時移上去 咁多紅色子彈，險象橫生，好在總算衝出重圍 打大佬啦，雖然佢子彈都係紅色，不過速度... 都幾慢下 我唔覺得佢有咩強化，進攻之餘都要紮穩紮打，將觸手打到見紅 入得呢個星球，買7WAY係指定動作，唔駛多講 順便買埋1UP，為賺多幾百萬分做好準備 一周目狂買嘅話，而家會更加難買 當然敵人會毫不
客氣咁向你襲擊，殺紅了眼咁樣，要做好心理準備 而且前線基地嘅耐久力有明顯提升，要打爆佢都要啲時間 打爆左六個基地後，冇哂7WAY，店舖自然出現 咁就買把雷射槍啦，平咁多 弊傢伙，有大量敵人圍攻，點都要解一解圍 如果再買7WAY，雖然有助殺出重圍，不過會影響儲錢大計 陰公，只係打爆咗一個基地 正因為咁，為左過到呢關，需要花多幾分鐘時間 晌槍林彈雨之下作戰，簡直係險象橫生 呢場係耐力競賽，我都唔知NG咗幾多次 一死咗就好難再繼續落去 故此我覺得呢關難過其他關卡不知幾多倍 時間一耐，基地所持有嘅金幣會開始貶值。記得嗎？ 縱使前線基地貶值左，得果$200，都冇計 唯有邊打邊避，累積基地嘅傷害啦 好彩呢個大佬冇特別強化過，攻略法我都唔再多解釋啦 7WAY當然繼續買落去啦！ 大部分嘅敵人都順利擊破到，一次過打到幾個基地 用完7WAY啦，買番把超音波 粉碎餘下嘅基地之餘，打倒前來騷擾嘅卒仔為優先 同大家介紹，佢係相框怪(Billian) 好在無咁多敵人圍攻，剛剛好搞掂哂啲基地 打大佬，持久戰係在所難免 起碼，過呢一關都唔駛兩分鐘，正如上一關咁 尾二嘅關卡，率先打爆一個基地 然後再買7WAY同埋一架殘
機 後者由五萬加價到十萬，足足一倍啦！ 你睇，一下子就打到幾個前線基地啦 結果基地死剩兩個，買番把雷射槍先！ 掂！冇受到敵人瘋狂襲擊，話咁快就消滅哂啲基地。鬆番口氣！ 慶幸冇乜點貶值，賺到幾個五千蚊，開始回本！ 剩番落嚟嘅Laser，就用來對付兇神惡煞嘅大佬啦！ 等佢合成過後，就雙管齊下，子彈同導彈！ 贏咗，有錢就盡執啦！ 二周目最後一關啦！ 開始之前，買多一架殘機，同埋兩個Heavy Bomb 唔駛買多，以備不時之需 如是者我二周目買左四架殘機，加上目前嘅一條命，總共有五條命 加埋手上啲cash，相信我將會賺得五百六十五萬分 今次仲唔發達？！ 呢一輪嘅首領嘉年華會，大佬嘅強度應該同一周目無異 唔需要咁多顧慮，只要專心迎戰就得 哇！！！！！ 可能我有啲緊張，搞到冇咗條命 好在仲有些少錢，再買番兩個法碼 心水清嘅你，相信都知道用嚟做咩啦？ 千祈，千祈，千祈唔好忘記加速，買Jet Engine喎 唔駛買更高級嘅零件 一來冇咩錢剩，二來擔心會走火入魔 咁就冇咗百零萬分，唯有向前望啦 如無意外，破千萬分有希望 講真，死一次都嫌多，總之自求多福啦 補充一點，晌OPTION畫面，最多可以調校到四條
命 越多越好，咁就有口實可以加多一百萬分 唔好臨尾香啊，鼓起勇氣跨過去啦！ 打贏咗雪怪，咁就平安大吉啦！ 之後嘅大佬較為容易打，唔會玩弄你於鼓掌之中 贏梗咁滯啦！ YES！！！ 二周目順利爆機！等住破一千萬分啦！ 經過一直以嚟嘅挑戰，當中經歷過唔少失望、不忿 都唔知嗌過幾多次 憑著我嘅毅力，以及對成功嘅渴求，終於成功啦！ 晌二周目，我所獲得嘅爆機分數為： 殘機分四百萬，加上現金分476500 合共4476500 加埋一周目嘅分數，總分就係11751900分！ 差唔多一千二百萬分！發發發發~ 我曾經有一個想法 既然新版Fantasy Zone 2可以超越一千萬分，一代可以嗎？ 呢條片正正話俾你聽：當然可以！ 如果你覺得呢條片夠勵志，覺得有機會達成 係時候讚好、留言、分享、訂閱，以及按鐘仔啊 向著目標進發，解鎖新成就啦，加油！
Comments